კანის მოვლის საფუძვლები: როგორ ავაწყოთ ძირითადი რუტინა

ისწავლე, როგორ შექმნა თავად მარტივი და ეფექტური რუტინა, რომელიც შენს კანს ჯანმრთელ იერს შეუნარჩუნებს.

კანის მოვლის საშუალებების გამოყენების საფუძვლები

როდესაც საქმე კანის ყოველდღიურ მოვლას ეხება, შენი მთავარი საქმე სწორი და ეფექტური რუტინის შერჩევაა, დანაჩენს კი, თავად რუტინა იზამს. შეიძლება თავდაპირველად გაგიჭირდეს სწორი პროდუქტების შერჩევა (მესმის, მართლაც დამაბნეველია), თუმცა სინამდვილეში, ყველაფერი შენი კანის მთავარი საჭიროებების განსაზღვრით და იმ პროდუქტების შერჩევით იწყება, რომლებიც ზუსტად მის გამოწვევებზეა მორგებული.

ნაბიჯი 1: წმენდა

არ აქვს მნიშვნელობა, რა ტიპის კანი გაქვს — გაწმენდა ყოველთვის პირველ ადგილზე უნდა იყოს. რატომ? მიზეზი უამრავია! დილას, გაწმენდა აუცილებელია იმისთვის, რომ კანის ზედაპირზე ღამის განმავლობაში დაგროვილი ცხიმი და მკვდარი უჯრედები მოიშორო. ასევე, მნიშვნელოვანია წინა ღამეს გამოყენებული პროდუქტების ნარჩენების მოშორებაც — რადგან, წესით, ღამით უფრო მკვებავ და სქელ პროდუქტებს ვიყენებთ, რომლებიც სასურველია, რომ დილის რუტინამდე მოიშოროს კანმა.

საღამოს გაწმენდა კი, აუცილებელია კანზე მთელი დღის განმავლობაში დაგროვილი მაკიაჟის, ჭუჭყის, ბაქტერიებისა და გარემოს მავნე ნაწილაკების მოშორებისთვის. ამ ნაბიჯის გამოტოვებას არ გირჩევ, რადგან კანში შეიძლება ბაქტერიები დაგროვდეს და ფორები დაიხშოს — რაც არასასურველი გამონაყარის მიზეზი გახდება. (ხშირად, სწორედ არასწორი გაწმენდა იწვევს იმ პატარა, უხილავ, ამობურცულ გამონაყარს, რომელიც ასე ძალიან გვაწუხებს არათანაბარი ტექსტურის სახით)

თუ დღის განმავლობაში მაკიაჟს იყენებ, ატარებ მზისგან დამცავს, გარეთ ბევრს მოძრაობ ან აქტიური ცხოვრება გაქვს — გირჩევ, რუტინა Precleanse-ით დაიწყო. ეს ზეთოვანი გამწმენდი ადნობს და ფორებიდან აშორებს ზედაპირულ მინარევებს — მაკიაჟს, ჭუჭყს და ცხიმს. ამავდროულად, არბილებს კიდეც კანს. ეს საყოველთაოდ პოპულარული პროდუქტი ყველა ტიპის კანს უხდება, თუმცა განსაკუთრებით ეფექტურია მათთვის, ვისაც ჭარბი ცხიმიანობა ან ოფლიანობა აწუხებს.

გაგრძელე გაწმენდა Special Cleansing Gel-ით — ნაზი, საპნის გარეშე დამზადებული ქაფიანი გელით, რომელიც ღრმად წმენდს კანს, არ აღიზიანებს და ინარჩუნებს ტენიანობის ბუნებრივ ბალანსს. ისიც უნივერსალურია და განსაკუთრებით კარგია მგრძნობიარე ან გამონაყარისკენ მიდრეკილი კანისთვის.

გაიგე მეტი გამწმენდების შესახებ ჩვენს ბლოგში და აღმოაჩინე შენთვის იდეალური პროდუქტი.

ნაბიჯი 2: ექსფოლიაცია

ახლა, როცა მკვდარი უჯრედები და მინარევები მოიშორე, ექსფოლიაციის დროა. ეს ნაბიჯი შეიძლება ქიმიური ან ფიზიკური ექსფოლიანტით ჩაიტარო, რათა კანი სიღმისეულად გაასუფთავო შემდეგი ნაბიჯებისთვის. ბოლოს და ბოლოს, მინარევების და მკვდარი უჯრედების დაგროვება ერთ-ერთი მთავარი მიზეზია, რის გამოც გამონაყარი გვიჩნდება.

როგორ შევარჩიოთ სწორი ექსფოლიანტი? ექსფოლიაციის ორი ძირითადი ტიპი არსებობს: ქიმიური და ფიზიკური. იგივე პრინციპია, რაც მზისგან დამცავების არჩევისას — ორივეს აქვს თავისი უპირატესობა და განსხვავებული ტიპის და მდგომარეობის კანს უხდება.

ფიზიკური ექსფოლიანტები — მაგალითად, სკრაბები ან შაქრის გრანულები — ხახუნის პრინციპით მუშაობენ და მექანიკურად აშორებენ მკვდარ უჯრედებს. ისინი იდეალურია იმ შემთხვევაში, როცა კანს აქვს უხეში ზედაპირი, მშრალი უბნები ან აქერცვლა. თუმცა, ფიზიკური ექსფოლიაცია ნაკლებად რეკომენდებულია მგრძნობიარე ან გამონაყარისკენ მიდრეკილი კანისთვის — რადგან ფხაჭნა და სისხლის მიმოქცევის ზედმეტად სტიმულაცია, შესაძლოა გამაღიზიანებელი აღმოჩნდეს.

ქიმიური ექსფოლიანტები, როგორიცაა AHA, BHA და PHA მჟავები, არღვევენ უჯრედებს შორის კავშირებს, რაც ამ უჯრედების მოშორებას უფრო რბილად და ღრმად უზრუნველყოფს. ისინი იდეალურია ფორების, გამონაყარის, პიგმენტაციისა და ასაკობრივი ნიშნების მქონე კანისთვის. გარდა ამისა, ზოგიერთი ქიმიური ექსფოლიანტი ძალიან კარგად ერგება მგრძნობიარე კანსაც კი.

Daily Microfoliant-ის ყოველდღიური, რბილი ექსფოლიაცია შეგიყვარდება — ეს ბრინჯის ენზიმების ბაზაზე დამზადებული ფიზიკური ექსფოლიანტი, არბილებს და ანათებს კანს. ყოველდღიური გამოყენებისას, ის უზრუნველყოფს გლუვ, თანაბარ და ნათელი ფერის კანს.

უფრო ინტენსიური შედეგისთვის კი, გირჩევ, Liquid Peelfoliant სცადო — ეს კვირაში ერთხელ გამოსაყენებელი ქიმიური ექსფოლიანტია, რომელიც ღრმად ასუფთავებს კანს, აშორებს კანის ზედაპირზე დაგროვილ უჯრედებს და ამცირებს ლაქების, წვრილი ხაზების და უხეში ტექსტურის ხილვადობას.

საინტერესოდ გეჩვენება ორივე ტიპი, მაგრამ ჯერ კიდევ ვერ არჩევ?
გაიგე მეტი ექსფოლიანტების შესახებ ჩვენს ბლოგში და აღმოაჩინე ის, რაც შენს კანს იდეალურად შეეფერება.

ნაბიჯი 3: ტონერი

შემდეგი ნაბიჯი — კანის მომზადებაა შრატისა და დამატენიანებლისთვის. ტონერები სპეციალურად იმ მიზნით არსებობს, რომ კანი გაახალისოს და მას შემდეგი ეტაპების უკეთ შეთვისებაში დაეხმაროს.

Multi-Active Toner — დამატენიანებელი ტონერია, რომელიც ტენის შემკავებელი ჰუმექტანტების დახმარებით, კანს ტენიანობის აუცილებელ დონეს უნარჩუნებს. გამოიყენე გაწმენდის შემდეგ, ან დღის განმავლობაში, როცა გინდა სწრაფად გამოაცოცხლო კანი და მისთვის ხალისის დაბრუნება გჭირდება.

ნაბიჯი 4: მიზნობრივი მკურნალობა (შრატი)

რადგან ყველა ტიპის კანს თავისი უნიკალური საჭიროება და გამოწვევა აქვს — იქნება ეს შავი წერტილები, გამონაყარი თუ ცხიმიანობა — მნიშვნელოვანია, რომ რუტინაში ისეთი პროდუქტები შეიტანო, რომლებიც კონკრეტულ პრობლემებზე ზემოქმედებენ, კანის საერთო ჯანმრთელობას აუმჯობესებენ და დროთა განმავლობაში უკეთეს შედეგს გაძლევენ.

თუ გინდა, რომ გამონაყარს სწრაფად და ეფექტურად გაუმკლავდე, Clear Start Breakout Clearing Booster სცადე — სალიცილის მჟავით გამდიდრებული შრატი, რომელიც მოქმედებს როგორც უკვე არსებულ, ასევე კანის ქვეშ განვითარებად გამონაყარზე. ფორმულა ასევე შეიცავს ნიაცინამიდს და წყალმცენარეთა ექსტრაქტებს, რაც კანს ტენიანობას უნარჩუნებს და აძლიერებს მის დამცავ ფუნქციას სამომავლო გამონაყარისგან.

მისი საუკეთესო თვისება? შრატი გამჭვირვალეა და სწრაფად შრება, ამიტომ შეგიძლია დღის განმავლობაშიც გამოიყენო — პაჩების ან დაფარვის საჭიროების გარეშე.

თუ უფრო უნივერსალური მოვლის საშუალება გჭირდება, Dynamic Skin Retinol Serum სცადე — მაღალი კონცენტრაციის რეტინოლის შრატი, რომელიც ერთდროულად ებრძვის კანის ოთხ მთავარ პრობლემას: ფორებს, ტექსტურას, ფერსა და ნაოჭებს. მისი 3.5%-იანი რეტინოიდების კომპლექსი ნელ-ნელა გამოყოფს სამი ტიპის რეტინოლს, რაც ეფექტურ მოქმედებას გაღიზიანების გარეშე უზრუნველყოფს.

გარდა ამისა, სკვალენი და ბეტა-გლუკანი აძლიერებს კანის ბარიერს და უნარჩუნებს ტენიანობას — ასე რომ, იღებ ყველა იმ უპირატესობას, რასაც რეტინოლი გაძლევს, ოღონდ გვერდითი ეფექტების გარეშე.

თუ გაინტერესებს, როგორ შეარჩიო შენი შრატი სწორად, გაიგე მეტი ჩვენს ბლოგში შრატების შესახებ.

ნაბიჯი 5: დატენიანება

მას შემდეგ, რაც კანი გაიწმინდე, აიქერცლე და მიზნობრივი შრატიც გამოიყენე, რუტინის დასასრული ეტაპია — დატენიანება. რაც არ უნდა გასაკვირი იყოს, ყველა ტიპის კანს სჭირდება დამატენიანებელი — მათ შორის ცხიმიანსა და კომბინირებულსაც.

დილით, საუკეთესოა დამატენიანებელი მზისგან დაცვის ფუნქციით. Dynamic Skin Recovery SPF50 იდეალური არჩევანია: ხელს უწყობს კანის დატენიანებას, აძლიერებს სტრუქტურას და იცავს ულტრაიისფერი სხივებისგან. UVA და UVB სხივები თვალისთვის უხილავია, მაგრამ მათ შეუძლიათ სერიოზული ზიანი მიაყენონ კანს — მათ შორის, ნაადრევი დაბერება, ლაქები და ანთება გამოიწვიონ.

ღამით კი, გირჩევ არჩევანი ღრმად მკვებავ დამატენიანებელზე შეაჩერო, მზისგან დაცვის გარეშე. Skin Smoothing Cream მსუბუქი ტექსტურის მიუხედავად, ღრმად ატენიანებს კანს და დილით მის გამოღვიძებას, რბილი და დამშვიდებული იერით უზრუნველყოფს. მისი შემადგენლობა, მათ შორის ჰიალურონის მჟავა და ბუნებრივი ექსტრაქტები (ჯინჯერი, ფორთოხალი, გრეიპფრუტი) ამშვიდებს კანს, ამცირებს სიწითლეს და ხელს უწყობს უჯრედების ბუნებრივ განახლებას.

თუ კანი განსაკუთრებით გამომშრალი ან გაღიზიანებულია, Super Rich Repair სცადე — ინტენსიური მოქმედების ღამის კრემი, რომელიც ძალიან გამომშრალი ან გაუწყლოებისკენ მიდრეკილი კანისთვისაა შექმნილი. შიის კარაქი და ეგზოტიკური ზეთები ღამით მუშაობს იმისთვის, რომ კანი გამოკვებოს და გარე ფაქტორებისგან დაცული იყოს.

გაინტერესებს, რომელი დამატენიანებელი შეეფერება შენს კანს?
გადახედე ჩვენს ბლოგს დამატენიანებლების შესახებ და აღმოაჩინე პროდუქტი, რომელიც ზუსტად შენს კანს ერგება.

მუდმივობა — მთავარი საიდუმლო იარაღია

ალბათ იკითხავ, რომელია ყველაზე მნიშვნელოვანი ნაწილი? ეს მუდმივობაა.
რაც უნდა სრულყოფილი იყოს შენი რუტინა, თუ მას ყოველდღიურად არ იყენებ, შედეგიც ნაკლებად თვალსაჩინო იქნება.

გამოიყენე ეს ნაბიჯები ყოველდღიურად და შენი კანი მადლობას გადაგიხდის — უფრო ჯანმრთელი იერით, ბუნებრივი ბზინვარებით და ნაკლები პრობლემით.

საიდან დავიწყო?

ჯერ კიდევ ფიქრობ, რომელი პროდუქტია შენთვის საუკეთესო?
ეს ნაბიჯები ზოგად მიმართულებას გაძლევს, თუმცა ცხადია, ყველა კანი უნიკალურია.

შეარჩიე შენი კანის რუტინა ჩვენს დერმატო-კოსმეტოლოგთან ერთად ან სცადე Face Mapping ანალიზი და მიიღე ინდივიდუალური რჩევები, ზუსტად შენს კანს მორგებული პროდუქტების სიასთან ერთად.

უკვე იცი, რა გჭირდება?
მაშინ შეარჩიე ჩვენი კანის მოვლის ნაკრებებიდან ან კომპლექტებიდან — რომელიც იდეალური გზაა, რომ შენი ახალი რუტინა მარტივად და სტრატეგიულად შექმნა.